為食貓party



好開心呀~卒之去左party,見到阿貓真人(好靚女)+老公+奶奶+姑姑,識左好多貓友(更多靚女)~有alice0209,Yves + yves 老公, Zanna, 小檬, winnievv, Stephanie(唔記得左你個網名tim),丁狗+"mau"貓,"mau"貓個friend (sorry我唔記得左你個名呀,你真係好好人),仲有好多好多人~不能盡錄,不過搵唔到豬...仔,我食左你個puff啦,你有冇食我個bailey cheese cake 呢? ^_^
講左咁耐,都未講自己整咩tim.我整左bailey cheese cake 同 芝士餅乾,不過個餅乾就唔夠原創lioil咁靚靚同好食啦~個cheese cake用pooh pooh 頭模整既~去到至脫模,點知唔識脫~又冇帶"架生"去,好在有2位貓友立即班幾枝刀比我,我自己都唔敢落手呀,驚毀左poohpooh容,結果硬著頭皮o係眾目睽睽(唔知點解o個陣差唔多個個都望住我,超驚呀~)之下加上2位貓友合力幫助之下成功左~哈哈~因為太緊張,都冇留意係邊位貓友幫我(其中一個好似係zanna),多謝哂呀~ ^_^ 阿貓好似仲幫我現場攝影tim ar,多謝你呀, 哈哈~
睇完貓友既作品,簡直覺得大家係神乎奇技,我仲差好遠呀~有太多野食鐘意食喇,個人最記得既係班蘭蛋糕(by 阿貓),提子汁雜莓jelly(小檬),豆渣蛋糕(yves)同alice0209既香蕉蛋糕~好好味~
不過,我唔制呀,我係唯一一個No.2X既單數抽唔中獎,我想要斑蘭葉呀.不過,其實見到咁多貓友,食左咁多好野,仲有個為食貓襟章, 我已經心滿意足啦^_^